2 მარტს უზენაეს სასამართლოში ჩანიშნული “რუსთავი 2”-ის პროცესის ფორმატსა და მოსამართლეთა შემადგენლობაზე ამახვილებენ ყურადღებას მედია ექსპერტები. “აღმოსავლეთ პარტნიორობის სამოქალაქო საზოგადოების ფორუმის ეროვნული პლატფორმის” წევრი, ჟურნალისტი ლაშა ტუღუში, “რუსთავი 2”-ის საქმეს ე.წ. წყალგამყოფს უწოდებს და მიმართავს მოსამართლეებს, არ მიიღოს გადაწყვეტილება, რომელიც საზიანო იქნება სახელმწიფოს განვითარებისთვის.
„ეს პროცესი არის წყალგამყოფი, სად იქნება ჩვენი სახელმწიფო. ვიქნებით იმ ნაპირზე, სადაც დემოკრატიული ქვეყნის მშენებლობა მიმდინარეობს, თუ ნაპირზე, სადაც ასეთ ქვეყნის მშენებლობა არ მიმდინარეობს. ამიტომ, მინდა მივმართო სასამართლოს, რომ ძალიან კარგად დაფიქრდეს და არ მიიღოს ისეთი გადაწყვეტილება, რომელიც საზიანო იქნება ზოგადად სახელმწიფოს განვითარებისათვის,“ – განაცხადა ლაშა ტუღუშმა.
