“ეს განცხადება ხელისუფლებას აზიანებს”- უჩა ნანუაშვილი თეა წულუკიანს პასუხობს

„მსგავსი განცხადებები და მისი ეს განცხადება, პირველ რიგში, აზიანებს საქართველოს ხელისუფლებას და ამ ხელისუფლების იმიჯს, მათ შორის საერთაშორისო საზოგადოების თვალში,“- ასე უპასუხა უჩა ნანუაშვილმა იუსტიციის მინისტრს, რომელმაც მას “ყველაზე უსამართლო სახალხო დამცველი” უწოდა.

უჩა ნანუაშვილს მთავრობის წევრები და პროკურატურა მისი მწვავე დასკვნის შემდეგ დაუპირისპირდნენ, რომელიც ე.წ. ციანიდის საქმის მიმდინარეობას და საგამოძიებო პროცესში გამოვლენილ დარღვევებს ეხებოდა.

„ეს ალბათ უკავშირდება იმ კონკრეტულ დარღვევებს, რომელზეც სახალხო დამცველი წლების განმავლობაში ამახვილებს ყურადღებას. სახალხო დამცველი არ ხუჭავს თვალს სერიოზულ და სისტემურ დარღვევებზე, მათ შორის იმ მიმართულებით, რომელსაც ქალბატონი წარმოადგენს,“- განაცხადა უჩა ნანუაშვილმა.

banner
წინა სტატიაშიპარლამენტში ეროვნული ბანკის პრეზიდენტს იბარებენ
შემდეგი სტატიარომის პაპი – გადაეცით საქართველოს კათოლიკოს-პატრიარქს, რომ ის ჩემს გულშია და მუდამ ასე იქნება