„ქართულმა ოცნებამ“ ნიღაბი დღეს საბოლოოდ ჩამოიხსნა – ოფიციალურად განაცხადა უარი ევროკავშირთან ინტეგრაციაზე. ყველაფერს თავი რომ დავანებოთ, ე.წ. მმართველმა პარტიამ, რომელმაც 26 ოქტომბერს არჩევნები მიიტაცა, დღეს კიდევ ერთხელ დაარღვია საქართველოს კონსტიტუცია, რომლის 78-ე მუხლში პირდაპირ წერია, რომ საქართველოს მიზანი ევროინტეგრაციაა.
ყოველივე აქედან გამომდინარე, სახეზეა საკონსტიტუციო გადატრიალება, რომელიც „ქართულმა ოცნებამ“ საკუთარი ქვეყნისა და ხალხის წინააღმდეგ მიზანმიმართულად მოაწყო!
პოლიტიკური პარტია „ჩვენ“ მიიჩნევს, რომ ეს არის წითელი ხაზი, რომელიც ქართული საზოგადოების კონსოლიდაციის ღერძი უნდა გახდეს!
„ჩვენ“ მზად არის, გახდეს დიდი სამოქალაქო კონსოლიდაციის ფლაგმანი და ხალხთან ერთად მივიღოთ გადაწყვეტილება, რომელიც ქვეყანას ამ კრიზისიდან გამოიყვანს!
