“ისინი ეკონომიკურ სტაბილურობაზე საუბრობენ მაშინ, როდესაც ფასები კატასტროფულად გაიზარდა, მშვიდობაზე, ქვეყნის გაძლიერებაზე და სტაბილურობაზე გვესაუბრებიან, როდესაც ახალგაზრდები უპერსპექტივობის გამო გარბიან ქვეყნიდან, 27 000-ზე მეტი ბავშვი გამოიყვანეს სკოლიდან და ემიგრაციაში წაიყვანეს მშობლებმა, აქ დარჩენილები კი წლებია იტანჯებიან და საკუთარ სკოლებში ვეღარ სწავლობენ ვიღაცების უპასუხისმგებლობისა და კორუფციული ინტერესების გამო, დედები ქუჩაში დგანან და წამალს ითხოვენ თავიანთი შვილების გადასარჩენად. ეს არის მათი მშვიდობა 14 წლის თავზე”,_ აღნიშნული განცხადება გააკეთა “ძლიერი საქართველო-ლელოს” წევრმა ფიქრია ჩიხრაძემ “პალიტრა ნიუსის” “ნიუსრუმში”.
