რუსთავი 2-ის შესახებ ამერიკის სახელმწიფო დეპარტამენტის განცხადებას, პოლიტოლოგები მკაცრ და ცალსახა განცხადებად აფასებენ. მათ მიაჩნიათ, რომ შტატების გზავნილი საქართველოს ხელისუფლებისადმი მნიშვნელოვანია.
„დიპლომატიური ენა ვისაც ესმის, ეს არის ძალიან მკაფიო და ძალიან ცალსახა განცხადება, რომელიც რუსთავი 2-ის შემთხვევას ხდის როგორც ლაკმუსის ტესტს,“-აცხადებს ვახტანგ ლეჟავა.
შტატებში გაკეთებულ განცხადებას გამოეხმაურა ხათუნა ლაგაზიძეც.
„საქართველოს ხელისუფლებისთვისაც თავისუფალი მედია და რუსთავი 2-ის შენარჩუნება იმ ფორმატში, რა ფორმატშიც ის დღეს არის, იქნება იმის დადასტურება, რომ ის ძალიან კარგად ხედავს რამდენად მნიშვნელოვანია ხელისუფლების შენარჩუნებისთვის, ხელისუფლებაში საკუთარი თავის შენარჩუნებისთვის, სწორედ რუსთავი 2-ის არსებობა,“-აცხადებს ხათუნა ლაგაზიძე.
