რთპარტიული კონსტიტუციის დამტკიცების გამო ოპოზიციური პარტიების წარმომადგენლები მმართველ გუნდს აკრიტიკებენ.
მათი შეფასებით, მმართველმა გუნდმა საზოგადოების აზრის გათვალისწინების გარეშე მიიღო ახალი კონსტიტუცია.
„გუშინდელ სხდომაზე ქართულმა ოცნებამ რიცხობრივი უპირატესობის ბოროტად გამოყენებით, ფაქტობრივად, დაუსაბუთებლად, მიიღო კონსტიტუცია, რომელიც აბსოლუტურად წინააღმდეგობაშია ქართული საზოგადეობის მოთხოვნებთან,“ – განაცხადა ირაკლი აბესაძემ.
პარლამენტის ფრაქცია ნაციონალური მოძრაობის მდივანი, თინათინ ბოკუჩავა, იმედოვნებს, რომ პრეზიდენტი კონსტიტუციას ხელს არ მოაწერს.
„ვიმედოვნებ ნამდვილად, რომ პრეზიდენტი არ მოაწერს ამ კონსტიტუციას ხელს და კობახიძეს მოუწევს, რომ აიღოს მთლიანად პასუხისმგებლობა კონსტიტუციაზე, რომელიც არის ერთპარტიული, რომელიც ქართულმა ოცნებამ მიიღო ძალმომრეობით და ხელის გადაგრეხვით,“ – აცხადებს თინათინ ბოკუჩავა.
117 ხმით 3-ის წინააღმდეგ – საპარლამენტო უმრავლესობამ პრეზიდენტის ვეტო დაძლია და ახალი კონსტიტუცია გუშინ დაამტკიცა.
