“ერთიანობა ნაციონალური მოძრაობის” დელეგაციასთან შეხვედრის შემდეგ, კონგრესმენმა ჯო უილსონმა სირიას საქართველოს ოკუპირებული ტერიტორიების აღიარების გაუქმებისკენ მოუწოდა

აშშ-ის კონგრესმენ ჯო უილსონთან, ჰელსინკის კომისიის თანათავმჯდომარესთან და MEGOBARI აქტის ავტორთან შეხვედრისას, ერთიანი ნაციონალური მოძრაობის დელეგაციამ მწვავედ დააყენა საკითხი სირიის მიერ საქართველოს ოკუპირებული რეგიონების – აფხაზეთისა და ცხინვალის რეგიონის – აღიარების შესახებ.

დელეგაციამ ხაზი გაუსვა, რომ ასადის რეჟიმის მიერ 2018 წელს მიღებული ეს გადაწყვეტილება მნიშვნელოვან ზიანს აყენებს საქართველოს სუვერენიტეტსა და საერთაშორისო სამართლის დარღვევაა.

შეხვედრის საპასუხოდ, კონგრესმენმა უილსონმა ღია განცხადება გააკეთა და მოუწოდა სირიის ახალ მთავრობას, გააუქმოს ასადის რეჟიმის მიერ მიღებული ცდომილი გადაწყვეტილება. როგორც უილსონმა სოციალურ მედიაში დაწერა: „ეს უბრალო ნაბიჯი სირიის ახალი გზისადმი ღრმა ძალასა და ერთგულებას დაადასტურებს.“

ენმ-მა კონგრესმენის განცხადება მიიჩნია მტკიცე მხარდაჭერის გამოხატვად საქართველოს ტერიტორიული მთლიანობის მიმართ.”