ერთიანი ნაციონალური მოძრაობა გმობს ბრიუსელში მომხდარ შემაძრწუნებელ ტერორისტულ თავდასხმებს

თაიმერი timer.ge
ავტ.: თაიმერი timer.ge მარტი 22, 2016 20:40

ერთიანი ნაციონალური მოძრაობა გმობს ბრიუსელში მომხდარ შემაძრწუნებელ ტერორისტულ თავდასხმებს

რთიანი ნაციონალური მოძრაობა გმობს ბრიუსელში მომხდარ შემაძრწუნებელ ტერორისტულ თავდასხმებს. თანადგომას უცხადებს დაღუპულთა ოჯახებს, ბრიუსელის მოსახლეობას, ბელგიელ ხალხს და გამოხატავს უდიდეს წუხილს საშინელი ტერაქტების გამო.
ტერორიზმის მიზანი ადამიანებისთვის ტკივილის მიყენება, მათში შიშის გაჩენა და საზოგადოების გახლეჩვაა. ერთიანი ნაციონალური მოძრაობა მხარდაჭერას უცხადებს ბელგიის სახელმწიფოს და მთელ ევროპელ ხალხს, რომელიც ბრიუსელის აეროპორტსა და მეტრო სადგურ მალბეკთან განხორციელებულ ტერაქტებს საკუთარ ტრაგედიად აღიქვამს.
დღეს, როგორც არასოდეს, საჭიროა მთელი ევროპული დემოკრატიული ძალების კონსოლიდაცია, რათა ყველამ ერთად კიდევ ერთხელ გამოვხატოთ ტერორიზმისადმი შეუწყნარებლობა. ერთიანი ნაციონალური მოძრაობა სოლიდარობას უცხადებს დაღუპულთა ოჯახებს.

თაიმერი timer.ge
ავტ.: თაიმერი timer.ge მარტი 22, 2016 20:40