ერთიანი ეროვნული გამოცდები დაიწყო.
როგორც შეფასებისა და გამოცდების ცენტრის ხელმძღვანელმა მაია მიმინოშვილმა ჟურნალისტებს განუცხადა, პირველ გამოცდას ყველა აბიტურიენტი ქართულ ენასა და ლიტერატურაში აბარებს.
„როგორც წესი რეგისტრაცია დაიწყო დილის 8 საათზე, და ზუსტად 9 საათზე ყველა საგამოცდო ცენტრში დასრულდა რეგისტრაცია. სულ საქართველოს მაშტაბით 21 საგამოცდო ცენტრი ფუნქციონირებს. რეგისტრაციამ მშვიდ ვითარებაში ჩაიარა. დაახლოებით 8 ათასი აბიტურიენტი უნდა გამოცადებულიყო დღეს გამოცდაზე, ზუსტად 9 საათზე ყველა საგამოცდო ცენტრში აბიტურიებტისთვის გაიხსნა საგამოცდო ტესტის ფურცელი. გამოცდის ჩასაბარებლად მათ 4 საათი და 15 წუთი აქვთ გამოყოფილი“, – განაცხადა მაია მიმინოშვილმა.
მისივე თქმით, 14:00 საათზე დაიწყება მეორე სესიის რეგისტრაცია. 15:00 საათზე აბიტურიენტების შემდეგი ნაკადი დაიწყებს ტესტებზე მუშაობას.
ერთიან ეროვნულ გამოცდებზე რეგისტრირებულია 38 500 -ზე მეტი აბიტურიენტი;
საგამოცდო ცენტრები შემდეგ ქალაქებში გაიხსნება: თბილისი, ბათუმი, ფოთი, ზუგდიდი, ოზურგეთი, ქუთაისი, ახალციხე, გორი, რუსთავი, თელავი, ხულო.
ერთიანი ეროვნული გამოცდები 22 ივლისს, ფიზიკის გამოცდით დასრულდება.