“ერთი პოლიტიკური გუნდი ვართ, გახარიაც, გომელაურიც, ცქიტიშვილიც” – მმართველ გუნდში სუს-ში მიმდინარე საკადრო წმენდაზე საუბრობენ

region
ავტ.: region იანვარი 15, 2019 15:29

“ერთი პოლიტიკური გუნდი ვართ, გახარიაც, გომელაურიც, ცქიტიშვილიც” – მმართველ გუნდში სუს-ში მიმდინარე საკადრო წმენდაზე საუბრობენ

საკადრო ცვლილებებს სახელმწიფო უსაფრთხოების სამსახურში მმართველი გუნდის დეპუტატები ეხმაურებიან. „ქართული ოცნების“ წევრების თქმით, ალექსანდრე ხოჯევანიშვილის შესახებ, რომელიც, სუს-ის უფროსის პირველ მოადგილედ ინიშნება, ბევრი არაფერი სმენიათ.

ისინი ოპოზიციის განცხადებებსაც პასუხობენ და ოპონენტებს სპეკულაციებში ადანაშაულებენ, რადგან ოპოზიცია ამტკიცებს, რომ სუს-ში საკადრო წმენდა საპრეზიდენტო არჩევნების შედეგების შემდეგ ბიძინა ივანიშვილის შურისძიებაა.

საპარლამენტო უმრავლესობის წევრების თქმით, ძალოვან სტრუქტურებში საკადრო გადაადგილებები ბუნებრივი პროცესია.

„ოპოზიციას მოვუწოდებ, რომ სახელმწიფო უსაფრთხოების სამსახურის მუშაობის შეფასება ხდებოდეს იმ შედეგით, თუ რა პასუხისმგებლობა აქვთ მათ ქვეყნის წინაშე. ვხედავთ, რომ ეს შედეგები არის მოლოდინზე გაცილებით უფრო კარგი. დანარჩენი ინტრიგის თემები, რომლის შემოტანა მათ სურთ მედიის წესრიგში, უადგილოა,“- განაცხადა „ქართული ოცნების“ წევრმა, ლევან კობერიძემ.

მმართველი გუნდის წევრები ოპოზიციის იმ განცხადებებსაც ეხმაურებიან, რომლის მიხედვითაც, სუს-ში შინაგან საქმეთა მინისტრის, გიორგი გახარიას გავლენა ძლიერდება.

„ვინ ვისთან არის მიბმული არასერიოზულია. ერთი პოლიტიკური გუნდი ვართ, გახარიაც, გომელაურიც, ცქიტიშვილიც და ყველა,“- განაცხადა დიმიტრი ცქიტიშვილმა.

არსებული ინფორმაციით, სუსს უფროსის პირველ მოადგილედ შსს-ის გენერალური ინსპექციის უფროსი, ალექსანდრე ხოჯევანიშვილი დაინიშნება. ვრცელდება ინფორმაცია,რომ გადაწყვეტილება ბიძინა ივანიშვილთან უკვე შეთანხმებულია.

region
ავტ.: region იანვარი 15, 2019 15:29

Google სტატისტიკა


2,455
ვიზიტორი
დღეში
Powered By Google Analytics