რუსთავში, მე-12 მიკრორაიონში, ერთ-ერთ საცხოვრებელ კორპუსში მომხდარ ხანძართან დაკავშირებით ახალი დეტალები ხდება ცნობილი.
როგორც “ინფო რუსთავს” თვითმხილველები ეუბნებიან, ცეცხლი თავდაპირველად კორპუსის მიმდებარედ, ეზოში შენახულ საწვავის კონტეინერს გაუჩნდა, რის შემდეგაც გავრცელდა და პირველ სართულზე 2 ბინაში შეაღწია. ერთი ბინა მთლიანად დაიწვა, მეორე კი ნაწილობრივ.
შემთხვევის დროს არავინ დაშავებულა.
ადგილზე მობილიზებულები იყვნენ მეხანძრე-მაშველები და ხანძარი ამ დროისთვის ლოკალიზებულია.
