ეროვნული ბანკის საბჭოს წევრობის კანდიდატები კობა გვენეტაძე, მაია მელიქიძე და გიორგი ბაქრაძე არიან. ეს გადაწყვეტილება პრეზიდენტის ადმინისტრაციაში გაახმაურეს. ამით ეროვნული ბანკის საბჭოს წევრობის კანდიდატის შერჩევის მორიგი ეტაპი დასრულდა. ადმინისტრაციაში განმარტავენ, რომ გადაწყვეტილების მიღებისას მთავარი კრიტერიუმები – პროფესიული განათლება, პროფესიული კვალიფიკაცია და პოლიტიკური მიუკერძოებლობა იყო.
ეროვნული ბანკის საბჭოს წევრობის აღნიშნულ კანდიდატებს და ექსპერტთა მოსაზრებებს ადმინისტრაციის უფროსი გიორგი აბაშიშვილი საქართველოს პრეზიდენტს, საბოლოო გადაწყვეტილების მისაღებად, დღეს წარუდგენს.
