თურქეთის პრეზიდენტის, რეჯეფ თაიფ ერდოღანის განცხადებით, ანკარას ევროკავშირში გაწევრიანების პერსპექტივაზე უარი არ უთქვამს, თუმცა ბლოკში გაწევრიანება ქვეყნის პრიორიტეტებს შორის აღარ შედის. ინფორმაციას სააგენტო dpa ავრცელებს.
„ევროკავშირი ჩვენთვის პრიორიტეტი არ არის“, — განაცხადა ერდოღანმა და დასძინა, რომ თურქეთის უარყოფით თავად ევროკავშირი იზარალებს.
თურქეთმა ევროკავშირის წევრობის კანდიდატის სტატუსი 1999 წელს მიიღო, ხოლო ოფიციალური მოლაპარაკებები 2005 წელს დაიწყო. ამჟამად პროცესი შეჩერებულია დემოკრატიის, კანონის უზენაესობისა და ადამიანის უფლებების კუთხით ქვეყანაში არსებული უკუსვლის გამო.
