სომხეთში, ერევანთან ახლოს ცეცხლი გაუხსნეს მანქანას, რომლითაც ქალაქ ეჩმიაძინის მერი მგზავრობდა. ინციდენტი გუშინ საღამოს მოხდა.
კარენ გრიგორიანი ერევნიდან ბრუნდებოდა, როცა აეროპორტ ზვარტნოცის გზაზე მის მანქანას ცეცხლი გაუხსნეს. თავდასხმის შედეგად მერი არ დაშავებულა.
ინციდენტზე სისხლის სამართლის საქმე აღიძრა.
გუშინვე ეჩმიაძინის საავადმყოფოში მოხვდა მერის კონკურენტი არტურ ტუმანიანი. მისი ჯანმრთელობის მდგომარეობა შეფასებულია, როგორც მძიმე.
ეჩმიაძინის მერის არჩევნები ხვალ, 18 სექტემბერს გაიმართება.