თურქეთის პრეზიდენტმა რეჯეპ ტაიპ ერდოღანმა მომავალ წელს ქვეყანაში თავისი ამერიკელი კოლეგა დაპატიჟა – ამის შესახებ თეთრმა სახლმა განაცხადა.
ვიზიტის დღე, ჯერჯერობით, ჩანიშნული არ არის.
“ამ ეტაპისთვის არაფერია გარკვეული. პრეზიდენტი სამომავლო პოტენციური შეხვედრისთვის ღიაა” – თეთრი სახლის ოფიციალურმა წარმომადგენელმა თქვა.
გასულ კვირას დონალდ ტრამპმა განაცხადა, რომ თურქეთის პრეზიდენტთან სირიიდან ამერიკული ჯარის გამოყვანის “ნელი და კარგად კოორდინირებული” პროცესი დაგეგმეს – “ამერიკის ხმა” წერს.