ერდოღანმა ნატოში შვედეთისა და ფინეთის ხილვის “უსურველობის” მიზეზებზე გააკეთა განცხადება.
Reuters-ის ცნობით, თურქეთის პრეზიდენტმა რეჯეფ თაიფ ერდოღანმა განაცხადა, რომ ეს ქვეყნები „ტერორისტების თავშესაფრად“ იქცნენ, რადგან თურქეთში აკრძალული ქურთისტანის მუშათა პარტიის წევრები ზოგიერთ მათგანში პარლამენტის წევრებიც კი არიან.
„ჩვენ თვალს ვადევნებთ შვედეთთან და ფინეთთან დაკავშირებით განვითარებულ მოვლენებს, მაგრამ არ გვაქვს დადებითი შეხედულებები. ჩვენ, როგორც თურქეთს, არ გვინდა მსგავსი შეცდომების გამეორება. გარდა ამისა, სკანდინავიის ქვეყნები ტერორისტული ორგანიზაციების თავშესაფარია“, – განუცხადა ერდოღანმა ჟურნალისტებს.