თურქეთის პრეზიდენტმა რეჯეფ თაიფ ერდოღანმა უკრაინის პრეზიდენტს ვოლოდიმირ ზელენსკის განუცხადა, რომ თურქეთი მზად არის უმასპინძლოს სამშვიდობო მოლაპარაკებებს რუსეთსა და უკრაინას შორის.
როგორც თურქული მედია წერს, სატელეფონო საუბრისას ერდოღანმა და ზელენსკიმ განიხილეს რეგიონალური და გლობალური საკითხები, განსაკუთრებით უკრაინის ომი.
„თურქეთი ახორციელებს „ინტენსიურ ძალისხმევას“, რათა შეაჩეროს სისხლის ღვრა როგორც უკრაინაში, ასევე. პალესტინის ტერიტორიებზე და უზრუნველყოს მუდმივი მშვიდობა. უკრაინაში ცეცხლის შეწყვეტა რაც შეიძლება მალე უნდა მოხდეს და მშვიდობის კარი უნდა გაიღოს“, – განაცხადა ერდოღანმა.
მან, ასევე, აღნიშნა, რომ მნიშვნელოვანია შავი ზღვის მარცვლეულის დერეფნის რესტრუქტურიზაცია და ფუნქციონირება და ამ მიზნით ის განაგრძობს დიპლომატიურ კონტაქტებს.
