ერაყის დედაქალაქ ბაღდადში აშშ-ის საელჩოზე თავდასხმა გახორციელდა.
სააგენტო Reuters, საკუთარ წყაროებზე დაყრდნობით, იტყობინება, რომ შენობას რაკეტა მოხვდა, რის გამოც საელჩოს ტერიტორიიდან კვამლი ამოდის. ზუსტი ინფორმაცია მიყენებული ზიანის შესახებ ჯერჯერობით არ სახელდება.
Associated Press-ის ინფორმაციით, რაკეტა აშშ-ის საელჩოს კომპლექსში მდებარე ვერტმფრენის დასაჯდომ მოედანს (ჰელიპადს) მოხვდა.
ამავდროულად, AFP წყაროებზე დაყრდნობით ავრცელებს ინფორმაციას, რომ საელჩოზე თავდასხმა დრონის მეშვეობით განხორციელდა.
AFP-ის ცნობით, თავდასხმა მას შემდეგ მოხდა, რაც ერაყის დედაქალაქში განხორციელებული იერიშების შედეგად ირანის მიერ მხარდაჭერილი ორი მებრძოლი დაიღუპა.
