საბერძნეთში 28 წლის ქართველი გოგონა მოკლეს. მკვლელობა დღეს დილით ათენის ცენტრალურ ნაწილში მოხდა. ნაქირავებ ბინაში გოგონას ცხედარი ჯერ მცირეწლოვანმა შვილმა, ხოლო შემდეგ დედამ აღმოაჩინა. ერთ-ერთი ვერსიით, გოგონა ყოფილმა ქმარმა, ასევე წარმოშობით ქართველმა გაგუდა. გვამს ძალადობის კვალიც აღენიშნება.
გავრცელებული ინფორმაციით, მკვლელმა ყოფილი ცოლის ბინაში მალულად, გასაღების გამოყენებით, გამთენიისას შეაღწია.
ცნობილია სავარაუდო მოტივიც- გოგონა ყოფილ ქმართან თანაცხოვრების წინააღმდეგი იყო.
ამ წუთებში ცხედარს ექსპერტიზა უტარდება. მკვლელობაში ეჭვმიტანილზე კი ათენის პოლიციამ ძებნა გამოაცხადა. უცნობია, როდის გადმოასვენებენ გოგონას ცხედარს სამშობლოში