“თაიმერს” ამ წუთებში აცნობეს, რომ გზების დეპარტამენტის თავმჯდომარის პოსტი ისევ ვაკანტურია. ჯერ კიდევ დილით, როცა თანამდებობიდან გადააყენეს გიორგი სეთურიძე, მის შემცვლელად მათ, ვინც საკადრო პოლიტიკას წყვეტს ქვეყანაში, მაშინვე დაასახელეს თანაინვესტორობის ფონდის თავმჯდომარე ირაკლი ქარსელაძე, რის შესახებაც “თაიმერმა” ექსკლუზიურად შეიტყო. ამ წუთებში კი “თაიმერისთვის” ცნობილი ხდება, რომ ირაკლი ქარსელაზე უკვე დანიშნეს რეგიონული განვითარებისა და ინფრასტრუქტურის მინისტრის პირველ მოადგილედ.