წალენჯიხის მუნიციპალიტეტის, სოფელ მედანში, წუხელ, დაახლოებით, 22:00 საათზე ერთ-ერთ ოჯახს 5 პირი დაესხა თავს.
“თაიმერის” ინფორმაციით, თავდამსხმელებმა სახლიდან 17 ათასი ლარი წაიღეს. მეზობლები ყვებიან, რომ ოჯახს თხილის შემოსავლის თანხა ჰქონდა.
შემთხვევის ადგილზე სამართალდამცველები ამ დრომდე მუშაობენ. “თაიმერს” შინაგან საქმეთა სამინისტროში ფაქტი დაუდასტურეს. უწყების ინფორმაციით, მომხდარზე გამოძიება საქართველოს სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს.
მზეკო ჟვანია
