„თაიმერის“, როგორც პრემიერ- მინისტრმა ბრძანა, ტაიმერის ინფორმაციით – დღეს თანამდებობიდან გაათავისუფლეს საავტომობილო გზების დეპარტამენტის თავმჯდომარე გიორგი სეთურიძე. სეთურიძეს შეცვლის თანაინვესტორობის ფონდის თავმჯდომარე ირაკლი ქარსელაძე.
გიორგი სეთურიძე – საქართველოს საავტომობილო გზების დეპარტამენტის თავმჯდომარე 2016 წლის აპრილიდან. 1991-1993 წლებში იყო საქართველოს თავდაცვის სამინისტროს განსაკუთრებული დანიშნულების მთავარ სამმართველოში უფროსი ოფიცერი. 1993 -1996 წლებში იკავებდა ‘’Alcon GmbH Germany’’-ს (ბერლინი, გერმანია) აღმოსავლეთ ევროპის დეპარტამენტის უფროსის თანამდებობას. 1996 – 2000 წლებში მუშაობდა შპს. ‘’ალკონ კომ სერვისი“-ს დირექტორად. 2000 – 2002 წლებში იყო TACIS -ის პროექტის – ‘’ამიერკავკასიის რკინიგზის საკომუნიკაციო ქსელის დაპროექტება-მშენებლობა” (საქართველო-სომხეთი-აზერბაიჯანი) ხელმძღვანელი. 2002 წელს ეკავა საქართველოს ფინანსთა სამინისტროს ფინანსური ლეგიონის უფროსის მოადგილის თანამდებობა. 2003 – 2006 წლებში მუშაობდა შპს. „ჰაიკომი”-ს დირექტორად, ხოლო 2006 – 2009 წლებში საერთაშორისო ინვესტიციების საკოორდინაციო ცენტრის (CCII) დირექტორად. 2009 -2011 წლებში იყო ,,დაბი გრუპ ჯორჯია’’-ს ხელმძღვანელი და ასევე, ,,კორ – სტანდარტ ბანკი’’-ს (KSB) სამეთვალყურეო საბჭოს წევრი. 2011 – 2015 წლებში ეკავა ‘’Camara Trading Corporation Inc ‘’-ის (აშშ) გენერალური დირექტორის პოსტი. 2015 – 2016 წლებში იყო სოფლის მეურნეობის სამინისტროს სამეცნიერო -კვლევითი ცენტრის დირექტორის მრჩეველი, ხოლო 2016 წელს საქართველოს რეგიონული განვითარებისა და ინფრასტრუქტურის მინისტრის მრჩეველი. განათლება: 1994 წელს, დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ეკონომიკის ფაკულტეტი 2005 წელს; დაამთავრა თბილისის სახელმწიფო ეკონომიკური უნივერსიტეტის იურიდიული ფაკულტეტი. არის სამართალმცოდნეობის მაგისტრი
„ტაიმერი“ აგრძელებს თემაზე მუშაობას და შემოგთავაზებთ სტატიას, სადაც განვიხილავთ ამ მორიგი საკადრო ცვლილების მიზეზებს.
