„თაიმერის“ ექსკლუზიური ინფორმაციით, ირაკლი ღარიბაშვილის პოლიტიკაში დაბრუნების შემდეგ, საკადრო ცვლილებები განხორციელდება მინისტრთა კაბინეტში.
კერძოდ, როგორც ჩვენთვის ხდება ცნობილი, პოლიტიკაში დაბრუნებული ღარიბაშვილი შინაგან საქმეთა მინისტრის პოსტს დაიკავებს. შინაგან საქმეთა ამჟამინდელი მინისტრი გიორგი გახარია კი სუს-ის ხელმძღვანელი გახდება.
ასევე, ,,თაიმერის“ წყაროს ინფორმაციით, მოქმედი პრემიერი მამუკა ბახტაძე, გუნდის გადაწყვეტილებით, პარლამენტის თავმჯდომარედ მოიაზრება – „ოცნებამ“ მთაწმინდის შუალედურ არჩევნებში მაჟორიტარობის კანდიდატად შესაძლოა, სწორედ ბახტაძე დაასახელოს.