გარემოსდაცვითი ზედამხედველობის დეპარტამენტის სამეგრელო – ზემო სვანეთის რეგიონული სამმართველოს უფროსად ზვიად ფოჩხუა დაინიშნა. ამის შესახებ ინფორმაცია “თაიმერს” საქართველოს გარემოს დაცვისა და სოფლის მეურნეობის სამინისტროში დაუდასტურეს. უწყებაში ასევე განაცხადეს, რომ სამეგრელო ზემო სვანეთის რეგიონული სამმართველოს ყოფილმა უფროსმა ბაკურ გულუამ განცხადება საკუთარი სურვილის საფუძველზე დაწერე, თუმცა უწყებაში მის მიმართ მოკვლევა ჯერ არ დასრულებულა.
ისტორია დაიწყო ასე: „თაიმერმა“ გამოაქვეყნა ინფორმაცია სათაურით: „ბაკურ გულუამ თანამდებობა დატოვა – რა მოხდა ზუგდიდში“ ამ სტატიას მოჰყვა დიდი აურზაური და გამოხმაურება. “თაიმერს” “უმტკიცებდნენ” რომ ჩვენი მოპოვებული ინფორმაცია არ იყო სიმართლე, თუმცა მოკვლევა მაინც დაიწყეს და როგორც ვიცით, მოკვლევა თუ არასწორ ინფორმაციაზე იწყება ის მალევე მთავრდება. ამ შემთხვევაში გულუა წავიდა. დასკვნები თქვენთვის მოგვინდვია.
