ექიმის განცხადებით, ამ ეტაპზე პაციენტ ელენე ხოშტარიას ჯანმრთელობის მდგომარეობა სტაბილურია და მუდმივი მონიტორინგის ქვეშ იმყოფება

“ნიუ ჰოსპიტალსის” შინაგანი მედიცინის განყოფილების ხელმძღვანელის ნინო ქანთარიას ინფორმაციით, “დროას” ლიდერი, ელენე ხოშტარია საკვების მიღებას სავარაუდოდ, ხვალიდან დაიწყებს.

როგორც მან ჟურნალისტებთან საუბრისას აღნიშნა, ელენე ხოშტარია ამ ეტაპისთვის საკვებ დანამატზე იმყოფება, კლინიკიდან გაწერაზე საუბარი კი ჯერ არ მიმდინარეობს.

” ამ ეტაპზე პაციენტ ელენე ხოშტარიას ჯანმრთელობის მდგომარეობა სტაბილურია. მუდმივი მონიტორინგის ქვეშ იმყოფება. ვიტალური პარამეტრები გაკონტროლებულია, ლაბორატორიული მაჩვენებლებიდან კვლავ ვლინდება გარკვეული ცვლილებები ელექტროლიტურ ბალანსში, რომლის კორექციაც მუდმივ რეჟიმში მიმდინარეობს შემდგომი კონტროლით და ისევ კორექციით.

რაც შეეხება კვების საკითხს, ჯერ საკვებზე არ გადასულა. ვაძლევთ კალორაჟს კილოგრამ წონაზე გადაანგარიშებით. ხვალიდან იგეგმება საკვების მიცემა. ამ ეტაპამდე საკვებ დანამატზეა, რომელიც არჩეულია ჩვენს მიერ, ამით ხდება მკაცრი კონტროლი იმ კალორაჟისა, რომელსაც ვაწვდით. ვინაიდან, კვების აღდგენის პროცესში მოსალოდნელია გართულებები კვების კალორაჟის მიღების პარალელურად , ამიტომ საჭიროებდა ეს ვითარება მაქსიმალურ კონტროლს. ალბათ, პაციენტის გაწერაზე საუბარი ჯერ ადრეა. პირველი რამდენიმე დღის განმავლობაში მოსალოდნელი რისკები გვაქვს, რომ განვითარდეს კვების აღდგენის პროცესთან დაკავშირებული გართულებები, როგორც ელექტროლიტური. ასევე სხვა ” ,- აღნიშნავს ქანთარია.

banner
წინა სტატიაშიზარქუა – „ლელო“ გონს მოეგო, ბოიკოტი შეწყვიტა, როგორც ვიცი, რაღაც ინიციატივებიც აქვს
შემდეგი სტატიახერხეულიძე: ახლა დგება მისი გათავისუფლების საკითხი