ექიმ ვაჟა გაფრინდაშვილის საკითხს ჟენევის მოლაპარაკებების მომავალ რაუნდზე დააყენებენ“,- ამის შესახებ ევროკავშირის ელჩმა საქართველოში, კარლ ჰარცელმა, ჟურნალისტებთან საუბრისას განაცხადა.
მისი თქმით, ევროკავშირი ამ საკითხზე მუშაობს.
„ევროკავშირი, ისევე როგორც სხვა მხარეები აქტიურად არიან ჩართულნი ამ პროცესში. ჩვენ ვცდილობთ ვიპოვოთ პრობლემის მოგვარების გზები. ამ მიმართულებით სხვადასხვა საშუალებებით ვმუშაობთ, რათა დავრწმუნდეთ, რომ ეს უკანონო დაკავება გამოსწორდება. ჩვენ ვემზადებით ჟენევის მოლაპარაკებების მორიგი რაუნდისთვის, რომელსაც შესაძლოა, ევროკავშირის სპეციალური წარმომადგენელი დაესწროს. მოლაპარაკებებზე ჩვენ ზოგად სიტუაციასაც განვიხილავთ, მათ შორის ისეთ ჰუმანიტარულ საკითხებს, როგორიცაა გადასასვლელების დროებითი ჩაკეტვა“, -განაცხადა კარლ ჰარცელმა.
