საფრანგეთის პრეზიდენტმა, ემანუელ მაკრონმა ლუგანსკის ოლქში დაღუპული ფრანგი ჟურნალისტის ოჯახს სამძიმარი გამოუცხადა.
აღნიშნულის შესახებ საფრანგეთის პრეზიდენტმა „ტვიტერში“ დაწერა.
„ფრედერიკ ლეკლერ-იმჰოფი უკრაინაში წავიდა, რათა მსოფლიოსთვის ეჩვენებინა ომის რეალობა. ის სასიკვდილოდ დაიჭრა ჰუმანიტარულ ავტობუსში სამოქალაქო პირებთან ერთად მგზავრობისას, რომლებიც რუსულ დაბომბვას გაურბოდნენ. ვიზიარებ ფრედერიკ ლეკლერ-იმჰოფის ოჯახის, ახლობლებისა და კოლეგების ტკივილს და ვუსამძიმრებ მათ. მსურს კიდევ ერთხელ გამოვხატო საფრანგეთის უპირობო მხარდაჭერა მათ მიმართ, ვინც ასრულებს ინფორმირების რთულ მისიას საომარი მოქმედებების თეატრში“, – წერს საფრანგეთის პრეზიდენტი.