ემა გოგოხიამ “რუსთავი 2” დატოვა

თაიმერი timer.ge
ავტ.: თაიმერი timer.ge აგვისტო 21, 2019 22:02

ემა გოგოხიამ “რუსთავი 2” დატოვა

“მე ვარ ჩემი “კურიერის” გუნდის გვერდით” – განუცხადა “თაიმერთან” საუბარში ემა გოგოხიამ.

“ჩვენ წავედით” – კურიერის ცარიელი ნიუსრიმის და სტუდიის ფოტო რუსთავი 2-ის ფეისბუქის გვერდზე ამ წარწერით გამოქვეყნდა.

საინფორმაციო სამსახურის თანამშრომლების უმეტესმა ნაწილმა არხი დატოვა. 21 აგვისტოს, მთელი დღის განმავლობაში კურიერი ეთერში არ გასულა. ახალი ამბები არც ვებ გვერდზე განთავსებულა, საღამოს კი მათ წასვლის შესახებ გააკეთეს განცხადება.

მას შემდეგ, რაც გუშინ, 20 აგვისტოს, წამყვანებმა, დიანა ჯოჯუამ და მიხეილ სესიაშვილმა არხის დატოვების შესახებ პირდაპირ ეთერში განაცხადეს, კურიერი ეთერში აღარ გასულა.

ჟურნალისტებმა რუსთავი 2 მას შემდეგ დატოვეს, რაც რამდენიმე მათგანი არხის ახალმა გენერალურმა დირექტორმა, პაატა სალიამ “ინტერესთან კონფლიქტის” მოტივით გაათავისუფლა.

კერძოდ: თავდაპირველად რუსთავი 2-დან გაუშვეს გიორგი გაბუნია, ნოდარ მელაძე, ნანუკა ჟორჟოლიანი, ეკა კვესიტაძე.

2019 წლის 18 ივლისს სტრასბურგის სასამართლომ რუსთავი 2-ის საქმეზე საბოლოო გადაწყვეტილება გამოაცხადა, რომლის მიხედვითაც, რუსთავი 2-ის საქმეზე, არც ერთ მუხლზე დარღვევა არ დადგინდა. იმავე დღეს, საჯარო რეესტრმა ქიბარ ხალვაშს ტელეკომპანიის წილები დაურეგისტრირა, ახალი მფლობელის მოთხოვნით ტელეკომპანიის დირექტორის პოსტიდან გადააყენა ნიკა გვარამია და მის ნაცვლად, ხალვაშის ადვოკატი, პაატა სალია დანიშნა.

ნიკა გვარამიამ 17 აგვისტოს ახალი, “მთავარი არხი” დაარეგისტრირა, დღეს, 21 აგვისტოს კი განაცხადა, რომ ორშაბათიდან თანამშრომლებთან კონტრაქტის გაფორმებას იწყებს

თაიმერი timer.ge
ავტ.: თაიმერი timer.ge აგვისტო 21, 2019 22:02

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,804
ვიზიტორი
დღეში
Powered By Google Analytics