ელიზაბეთ რუდი : მოვუწოდებთ რუსეთს, დაემორჩილოს 2008 წლის ცეცხლის შეწყვეტის შეთანხმებას

აშშ-ი შეშფოთებულია იმ ვითარებით, რაც არის სამხრეთ ოსეთის ადმინისტრაციულ გამყოფ ხაზზე, განსაკუთრებით სოფელ ჩორჩანაში, მოვუწოდებთ რუს და ოს მხარეს, მიიღონ ყველა საჭირო ზომა, რათა მოხდეს სიტუაციის დეესკალაცია, – ამის შესახებ საქართველოში აშშ-ის ელჩის მოვალეობის შემსრულებელმა, ელიზაბეთ რუდმა განაცხადა.

მისი თქმით, მნიშვნელოვანია, სიტუაციის განმუხტვისთვის გამოყენებული იყოს ყველა მექანიზმი, როგორიცაა ევროკავშირის სადამკვირვებლო მისია და ცხელი ხაზი.

„მოვუწოდებთ რუსეთს, დაემორჩილოს 2008 წლის ცეცხლის შეწყვეტის შეთანხმებას და გაიყვანოს საკუთარი ძალები. ასევე ძალიან გვაშფოთებს ის ფაქტი, რომ გამშვები პუნქტები ჩაკეტილია ადმინისტრაციულ საზღვარზე, რადგანაც ეს იწვევს ძალიან რთულ ჰუმანიტარულ სიტუაციას იმ ადამიანებისთვის, რომლებიც ცხოვრობენ ადმინისტრაციული ხაზის მიღმა. სწორედ ამიტომ, ჩვენ მოვუწოდებთ დე ფაქტო ხელისუფლებას, გახსნას გამშვები პუნქტი“, – განაცხადა ელიზაბეთ რუდმა.

ვირუსის ბლოკატორები
წინა სტატიაში„NDI – ის“ კვლევის მიხედვით, გამოკითხულთა 47 პროცენტი მიიჩნევს, რომ ჯანდაცვის სისტემის წინაშე მდგარი ყველაზე დიდი პრობლემა წამლების საფასურია
შემდეგი სტატიაNDI-ის კვლევის თანახმად, გამოკითხულთა 78 პროცენტისთვის საქართველოს ევროკავშირში გაწევრიანება მისაღებია, ნატო-ში გაწევრიანებას კი, 71 პროცენტი უჭერს მხარს