“იმედგაცრუებული ვარ, იმიტომ, რომ როგორც, ალბათ, ბევრს, მქონდა მოლოდინი, რომ ვეტოს დაადებდა პრეზიდენტი. თან თვითონაც თქვა, რომ ვეთანხმები ოპოზიციასო. ყველანაირი არგუმენტი იყო იმისთვის, რომ ვეტო დაედო, თუმცა, ეს ასე არ მოხდა. მაგრამ ოდნავ პოზიტიურად რომ შევხედოთ დღევანდელ იმედგაცრუებას, თითქოს ჩანდა ოცნების გაფრთხილება, თუ ყვითელი ბარათი, რომ აწი ყველაფერს ასე იოლად არ გაგიტარებთ და ნოტარიუსივით ყველაფერზე ბეჭედს არ დაგირტყამთო. ღმერთმა ქნას, ასე მოხდეს”, – ასე გამოეხმაურა “რუსთავი” 2-თან საუბარში მოქალაქეების ლიდერი, ალეკო ელისაშვილი იმ ფაქტს, რომ პრეზიდენტმა სალომე ზურაბიშვილმა ვეტო არ დაადო ადმინისტრაციულ სამართალდარღვევათა კოდექსში შეტანილ ცვლილებებს.