მე, ლევან იოსელიანი, ჩვენი პარტია და ყველა, ვინც იყო ჩართული საარჩევნო რეფორმაში, პირნათელი ვართ ამ ქვეყნის მომავალთან. არც ცესკო-სთან არის მიტინგი, არც გადადექის ყვირის არავინ, არც გაყალბდას და არც ოქმების ფრიალი მიდის, – ამის შესახებ პარტია „მოქალაქეების“ წევრმა ალეკო ელისაშვილმა პარლამენტის პლენარულ სხდომაზე განაცხადა.
მისივე თქმით, 30-წლიანი სამარცხვინო ტრადიცია დასრულდა და გადაიდგა ერთი ნაბიჯი წინ, რასაც აღიარება უნდა.
„ჩვენი 30-წლიანი სამარცხვინო ტრადიცია დავასრულეთ, ერთი ნაბიჯით წავედით წინ, ამას აღიარება უნდა განსაკუთრებით იმ ხალხის მხრიდან, ოპოზიციაში რომ ზეიმობენ. ჩვენ ნუ გვეტყვიან მადლობას. ჩვენ მადლობისთვის არ გაგვიკეთებია ეს“, – აღნიშნა ალეკო ელისაშვილმა.
ამასთან, ალეკო ელისაშვილის განმარტებით, საარჩევნო მიმართულებით არსებული ხარვეზების ბოლომდე აღმოსაფხვრელად და გასასწორებლად სისტემური რეფორმების ჩატარებაა საჭირო.
