ელისაშვილი – პრემიერის მოსმენაზე დისკუსია არ იყო საგნობრივ საკითხებზე, კმაყოფილი არ დავრჩი, დღეს მეორე სერია იქნება

პრემიერის მოსმენაზე დისკუსია იყო არა საგნობრივ საკითხებზე, არამედ თქვენ ის იყავით და ესო, – ასე შეაფასა „მოქალაქეების“ ლიდერმა ალეკო ელისაშვილმა საქართველოს პრემიერ-მინისტრის მიერ პარლამენტში ანგარიშის, ასევე ქვეყნის განვითარების ათწლიანი გეგმის წარდგენა, დეპუტატების კითხვები და საპასუხო განცხადებები.

მისი თქმით, 28 ივნისს პრემიერის გამოსვლით არაა კმაყოფილი.

„რაც მოვისმინე, კმაყოფილი არ დავრჩი. სადღეგრძელოს ჰგავდა. სულ წარმატებაზე, მიღწევებსა და საოცრებებზე იყო საუბარი მაშინ, როცა თავად ირაკლი ღარიბაშვილმა თქვა, რომ 550 ათასი ადამიანი სოციალურ დახმარებაზეა დამოკიდებული, სადაც 180 ათასი ბავშვია. ამ ციფრს რომ დაასახელებ და პროგრამას შემდეგ ზარ-ზეიმით წარადგენ, რა თქმა უნდა, რეალობას აცდენილი ხარ. ძალიან არ მომეწონა ის სიძულვილი, რაც მოსალოდნელი იყო. დისკუსია იყო არა საგნობრივ საკითხებზე, არამედ თქვენ ის იყავით და ესო. დღეს მეორე სერია იქნება“, – განაცხადა ალეკო ელისაშვილმა.

რეკლამის ბანერი
წინა სტატიაშისაქართველოში კორონავირუსის 352 ახალი შემთხვევა გამოვლინდა
შემდეგი სტატიაავარია წნორი-დედოფლისწყაროს დამაკავშირებელ გაზაზე – არიან დაშავებულები