საქართველოს ბედს არ განსაზღვრავს, რას იზამს ოთხპროცენტიანი „ლელო“. სუსტები არიან თუ მოღალატეები, ისტორიამ განსაჯოს, – ამის შესახებ პარტია „დროას“ ლიდერი ელენე ხოშტარია სოციალურ ქსელში წერს.
მისივე შეფასებით, სიცხადე ძალიან კარგია.
„ძალიან კარგია სიცხადე! ოთხპროცენტიანი „ლელო“ რას იზამს, ნამდვილად არ განსაზღვრავს საქართველოს ბედს. სუსტები არიან თუ მოღალატეები, ისტორიამ განსაჯოს, ჩვენ საქმეს მივხედოთ. საქმე ბევრია და აუცილებლად მივხედავთ.
პ.ს. ჰოდა, კიდევ, ფულით და ტელევიზიით აშანტაჟეთ საკუთარი თავები, ბიძინამ ვერ გატეხა ეს ქვეყანა ფულით, მართლა მეცინება“, – წერს ხოშტარია.
ცნობისთვის, კოალიცია „ლელო – ძლიერი საქართველო“ თვითმმართველობის არჩევნებში მონაწილეობას მიიღებს.
