ოპოზიციის დამსახურებით, თავად მიხეილ სააკაშვილის დამსახურებით, მან განსხვავებით „ქართული ოცნებისგან“, თავის ვიწრო პერსონალურ ინტერესებს არ შესწირა ქვეყნის ინტერესი, – ამის შესახებ „დროას“ ლიდერმა ელენე ხოშტარიამ განაცხადა.
მისივე თქმით, სააკაშვილის ჩამოსვლას ქვეყანაში არავითარი არეულობა არ მოჰყოლია.
„არანაირი არეულობა მის ჩამოსვლას არ მოჰყვა. ეს მან ნამდვილად გააკეთა. მთელი თხრობა „ქართული ოცნების“, რომ ბუა მოდის, გამქრალია. არანაირი ბუები არ არსებობს. პრაქტიკულად პირველად ჩვენს ისტორიაში ხვალ მოდის მრავალპარტიული არჩევნები. მრავალპარტიული არჩევნები, სადაც ყველა თავისუფალი უნდა იყოს თავის არჩევანში. ამიტომ მოვრჩეთ ტყუილებით ადამიანების კვებას. თავად მიიღონ გადაწყვეტილება და წავიყვანოთ ქვეყანა წინ“, – განაცხადა ელენე ხოშტარიამ.