2 წლის გოგონა ელემენტის გადაყლაპვის შედეგად გარდაიცვალა. შემთხვევა გურჯაანის მუნიციპალიტეტის სოფელ ვეჯინში მოხდა.
ადგილობრივების ინფორმაციით, ბავშვმა ელემენტი სათამაშოს გამოაძრო.
ოჯახმა სამედიცინო დაწესებულებას დროულად მიმართა და ბავშვი თბილისის ერთ-ერთ კლინიკაში გადაიყვანეს, თუმცა, სასიცოცხლო მაჩვენებლების დაქვეითების გამო, ექიმებმა პატარას გადარჩენა ვეღარ შეძლეს.
არსებული ინფორმაციით, გოგონა ლითონის შემცველი მძიმე მეტალებით მოიწამლა.
შემთხვევა სოფელში ორი დღის წინ მოხდა. ფაქტზე მიმდინარეობს გამოძიება.
