კიევი აპირებს ვარშავას მიმართოს თხოვნით, პოლონეთის ქალაქ პერემიშლეში მომხდარი შემთხვევა გამიძიონ, სადაც დემონსტრაციის მონაწილეები უკრაინელების მოკვლის შესახებ მოწოდებებს სკანდირებდნენ – პოლონეთში უკრაინის ელჩმა ანდრეი დეშიცამ განაცხადა.
“ჩვენ ვგმობთ ნებისმიერი სახის მოქმედებებს და მოწოდებებს, რომლებიც ეროვნული შუღლისკენ არის მიმართული და პოლონეთის ოფიციალურ სტრუქტურებს მივმართავთ მომხდარი ინციდენტის გამოძიებისა და დამნაშავეთა დასჯის თხოვნით” – განაცხადა დიპლომატმა.
