ეკონომიკისა და მდგრადი განვითარების მინისტრი, ნათია თურნავა პანკისში 21 აპრილს განვითარებულ მოვლენებთან დაკავშირებით პირველ კომენტარს ტელეკომპანია „პირველთან“ აკეთებს.
მინისტრი ჟურნალისტის კითხვაზე მოკლე პასუხით შემოიფარგლა და განაცხადა, რომ პროცესი პანკისში ნორმალიზებულია.
„გვიხარია, რომ პროცესი არის ნორმალიზებული. ყველანი ვმუშაობთ ამ მიმართულებით“-განაცხადა თურნავამ.
შეგახსენებთ, პანკისში „ხადორი-3“ ჰესის მშენებლობის წინააღმდეგ ადგილობრივების პროტესტის გამო შსს-მ ხეობაში საპოლიციო ძალები შეიყვანა. შინაგან საქმეთა მინისტრის, გიორგი გახარიას განცხადებით, ეს მოხდა მას შემდეგ, რაც მის უწყებას ეკონომიკის სამინისტრომ მიმართა. მინისტრის განმარტებით, პოლიცია პანკისში მართლწესრიგის დასაცავად შევიდა.
ამ დროისთვის “ხადორი-3” ჰესის მშენებლობა შეჩერებულია.
