ნაციონალური მოძრაობის წევრი, რომან გოცირიძე, ლარის გაუფასურებას ხელისუფლების მხრიდან საზოგადოებისთვის გაცემულ არასწორ სიგნალებს უკავშირებს და ეროვნული ბანკის მონეტარულ პოლიტიკას აკრიტიკებს.
გოცირიძის თქმით, ხელისუფლების არაკომპეტენტურობა არის ერთ-ერთი მთავარი მიზეზი ლარის მოულოდნელი გაუფასურებისა.
„ეკონომიკის დღევანდელი მდგომარეობა მძიმეა, მაკროეკონომიკური სტაბილურობის პრობლემაა. ასეთ ვითარებაში მუდამ არის მოსალოდნელი ისეთი რყევები, რაც დღეს გვაქვს. იყო განცხადებები ლარის 1,8-ზე ჩამოსვლასტან დაკავშირებით და დავინახეთ, რომ არაფრისგან მივიღეთ ლარის დაცემა. ეს მთავრობის არაკომპეტენტურობიდან გამომდინარეობს, რომელთაც არა მხოლოდ არ შეუძლიათ სწორი პროგნოზის გაკეთება, არამედ ცრუ მოლოდინებს უჩენს მოსახლეობას,“ – განაცხადა რომან გოცირიძე, რომელმაც ასევე აღნიშნა, რომ ლარის გაუფასურებაზე გარკვეული ზემოქმედება ეროვნული ბანკის არასწორმა ქმედებებმაც მოახდინა.
