ვიეტნამის ხელისუფლებამ ეკონომიის მიზნით მიიღო გადაწყვეტილება მომდევნო ორი წლის განმავლობაში 20 ათასი პატიმარი გაუშვას ციხიდან. ეს არ შეეხება მძიმე დანაშაულისთვის მსჯავრდებულებს. სამ თვეში ერთხელ, ხელისუფლება პატიმრებს ჯგუფ-ჯგუფად გაანთავისუფლებს.
ერთი პატიმრის შენახვა ქვეყნის ბიუჯეტს წლის განმავლობაში 440 დოლარი უჯდება.
მთავრობა მსჯავრდებულთა განთავისუფლების შედეგად დაახლოებით 9 მილიონი დოლარის ეკონომიას გეგმავს – იუწყება BBC.