ეკატერინე ტიკარაძე : ვპირდები მოქალაქეებს, რომ არც ერთი ნაბიჯი არ იქნება უკან გადადგმული, რათა დავიცვათ მათი ჯანმრთელობის უფლება და ჯანდაცვაზე ხელმისაწვდომობა

admin
ავტ.: admin ივნისი 18, 2020 12:58

ეკატერინე ტიკარაძე : ვპირდები მოქალაქეებს, რომ არც ერთი ნაბიჯი არ იქნება უკან გადადგმული, რათა დავიცვათ მათი ჯანმრთელობის უფლება და ჯანდაცვაზე ხელმისაწვდომობა

ჯანდაცვის სისტემის ყველა უწყების ერთობლივმა ნაბიჯებმა მოგვცა საშუალება, რომ პირველი ტალღა ვმართეთ და დღეს ამაყად ვდგავართ საზოგადოების წინაშე, – ამის შესახებ საქართველოს ჯანდაცვის მინისტრმა, ეკატერინე ტიკარაძემ ერთი წლის საქმიანობის შეჯამებისას განაცხადა.

„მოხარული ვარ, რომ მეძლევა შესაძლებლობა, მოკლედ შევაჯამო ის ერთი წელი და განსაკუთრებით კი ის ხუთი თვე, რთული ხუთი თვე, რომელიც ჩვენ კოვიდპანდემიის დაწყების შემდეგ გვქონდა და ამ ეტაპზე ნამდვილად გვაქვს პირველი ნაბიჯები იმისკენ, რომ გვქონდეს იმედი, რომ ჩვენ წარმატებულად გავართმევთ თავს ამ გამოწვევას. ჩემთვის კი ამ პერიოდის განმავლობაში ძალიან მნიშვნელოვანი იყო სისტემური მიდგომა და კოორდინაცია, რათა სასწრაფო გადაუდებელი დახმარების სისტემას, დაავადებათა კონტროლის ცენტრს ერთობლივად, უხარვეზოდ ეთანამშრომლა ჰოსპიტალურ სექტორთან, რათა ჩვენს ექიმებს, სამედიცინო პერსონალს ჰქონოდა უზრუნველყოფილი ყველა საჭირო აღჭურვილობა მათი უსაფრთხო სამუშაო გარემოს შექმნისთვის. ასევე, თითოეული პაციენტის დროული იდენტიფიცირება, მათი ლოკალიზება და შემდეგ სწორი და უსაფრთხო გადაადგილება შესაბამის სამედიცინო დაწესებულებამდე. ეს იყო ნამდვილად ძალიან დიდი გამოწვევა და პრიორიტეტი“, – განაცხადა ეკატერინე ტიკარაძემ.

მისი თქმით, ყველა ზემოთ ჩამოთვლილი ქმედითი ნაბიჯი ორგანიზებული იყო სამინისტროს მხრიდან და სამინისტროს ჰქონდა წარმატებული კოორდინაცია ყველა დანარჩენ უწყებასთან.

„ყველა ამ უწყების ერთობლივმა ნაბიჯებმა მოგვცა საშუალება, რომ ეს პირველი ტალღა შევძელით და ვმართეთ და დღესდღეობით ამაყად ვდგავართ ჩვენი საზოგადოების წინაშე, ვინაიდან გამოვიჩინეთ ძალიან მაღალი პასუხისმგებლობა. ამასთან ერთად, რა თქმა უნდა, არ უნდა დაგვავიწყდეს, რომ ნამდვილად, ვერც ექიმები და ვერც სამთავრობო გუნდის ერთობლიობა და კოორდინაცია ვერ მოგვცემდა იმ შედეგს, რომ არა ჩვენი მოქალაქეების მაღალი პასუხისმგებლობა და მათი გვერდში დგომა და სწორედ აქ არის მნიშვნელოვანი, რომ ჩვენ გავიაზროთ და გვქონდეს იმის მოლოდინი, რომ სამომავლოდაც ეს კორდინაცია აუცილებლად გაგრძელდება, ვინაიდან, კიდევ ერთხელ ვიმეორებ, დაავადება ჯერ არსად არის წასული, ის ჯერ ჩვენთან ერთადაა და სწორედ ახლა არის მნიშვნელოვანი, რომ გაგრძელდეს ჩვენი კოორდინირებული ნაბიჯები, რათა შევძლოთ შემდეგი ეტაპების წარმატებულად დასრულება. სამინისტროს მხრიდან კი, თავისთავად, ჯანდაცვის კუთხით მნიშვნელოვანი არის, რომ გავატაროთ გლობალურად საჭირო ის რეფორმები, რომლებიც უზრუნველყოფენ ჩვენი მოქალაქეებისთვის ხელმისაწვდომობას, როგორც ფინანსურს, ასევე გეოგრაფიულს და ჩვენი მოქალაქეებისთვის, ნებისმიერი სოციალური ფენისთვის ხელმისაწვდომი იქნება ჯანდაცვის ხარისხიანი სერვისები. სწორედ ამ წერტილზე, ვპირდები ჩემს მოქალაქეებს, რომ არც ერთი ნაბიჯი არ იქნება უკან გადადგმული, რათა ჩვენ დავიცვათ მათი ჯანმრთელობის უფლება და ჯანდაცვაზე ხელმისაწვდომობა“, – აღნიშნა ეკატერინე ტიკარაძემ.

admin
ავტ.: admin ივნისი 18, 2020 12:58

Google სტატისტიკა


2,765
ვიზიტორი
დღეში
Powered By Google Analytics