ეკატერინე ტიკარაძე – მიხეილ ბატიაშვილის გადადგომა მოულოდნელი იყო

region
ავტ.: region ნოემბერი 7, 2019 15:09

ეკატერინე ტიკარაძე – მიხეილ ბატიაშვილის გადადგომა მოულოდნელი იყო

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე აცხადებს, რომ განათლების, მეცნიერების, კულტურისა და სპორტის მინისტრის თანამდებობიდან მიხეილ ბატიაშვილის გადადგომა მისთვის მოულოდნელი იყო.

ეკატერინე ტიკარაძე აღნიშნავს, რომ პატივს სცემს ბატიაშვილის გადაწყვეტილებას და განათლებისა და ჯანდაცვის სამინისტროების თანამშრომლობაზე ამახვილებს ყურადღებას.

„ჩვენს ორ უწყებას შორის იყო ძალიან მჭიდრო და პროდუქტიული თანამშრომლობა. სიმართლე გითხრათ, ეს იყო მოულოდნელი, მაგრამ ბატონი მიხეილის პირადი გადაწყვეტილებაა, რასაც მე უბრალოდ შემიძლია მხოლოდ პატივი ვცე და მივესალმო მის გადაწყვეტილებას, თუ ეს მისთვის სასარგებლო და საჭირო იყო,”- განაცხადა ტიკარაძემ.

მიხეილ ბატიაშვილმა საქართველოს განათლების, მეცნიერების, კულტურისა და სპორტის მინისტრის თანამდებობა დღეს დატოვა. როგორც მიხეილ ბატიაშვილმა განაცხადა, ეს მისი პირადი გადაწყვეტილებაა. „ჩემი გადაწყვეტილების მიზეზი პირადია და იმედს გამოვთქვამ, ამას არ მოყვება დამატებითი პოლიტიკური სპეკულაციები“, – განაცხადა უკვე ყოფილმა მინისტრმა.

region
ავტ.: region ნოემბერი 7, 2019 15:09

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,373
ვიზიტორი
დღეში
Powered By Google Analytics