ეკატერინე ტიკარაძე – კლინიკა „თიმის“ ექიმის ინფიცირების წყარო ამ დროისთვის ცნობილი არ არის, თუმცა მოკვლევა მიმდინარეობს

თაიმერი timer.ge
ავტ.: თაიმერი timer.ge აპრილი 13, 2020 15:24

ეკატერინე ტიკარაძე – კლინიკა „თიმის“ ექიმის ინფიცირების წყარო ამ დროისთვის ცნობილი არ არის, თუმცა მოკვლევა მიმდინარეობს

ამ ეტაპზე ექიმის დაინფიცირების წყარო ცნობილი არ არის, თუმცა მოკვლევა მიმდინარეობს. ყველა ის ექიმი, რომელსაც მასთან კავშირი ჰქონდა, საკარანტინო ზონაშია- ამის შესახებ ჯანდაცვის მინისტრმა მთავრობის ადმინისტრაციაში გამართულ ბრიფინგზე კლინიკა „თბილისის მედიცინის ინსტიტუტის“ თანამშრომლის დაინფიცირების შესახებ დასმული კითხვის საპასუხოდ განაცხადა.

„გარკვეული პირები, რომლებსაც აღენიშნებოდათ სიმპტომატიკა, არიან გატესტილები, მაგრამ მათი პასუხი არის უარყოფითი. ეს არის მნიშვნელოვანი და კეთილსაიმედო პროგნოზი. აქედან გამომდინარე, დანარჩენი პირები არიან დაკვირვების რეჟიმში. ინტენსიურად მუშაობს ჩვენი ეპიდსამსახური, რათა დეტალურად გამოიძიონ, თუ რა არის ინფიცირების წყარო ექიმის და ასევე დამატებით მოვიძიოთ ყველა ის კონტაქტი, ვისთანაც ექიმი შემხებლობაში იმყოფებოდა“,- განაცხადა ტიკარაძემ.

კლინიკა „თიმის“(თბილისის მედიცინის ინსტიტუტის) ექიმს კორონავირუსი დაუდასტურდა. საავადმყოფო ორი კვირით დაიხურა. 30-მდე ექიმი კარანტინში იმყოფება.

თაიმერი timer.ge
ავტ.: თაიმერი timer.ge აპრილი 13, 2020 15:24

Google სტატისტიკა


6,269
ვიზიტორი
დღეში
Powered By Google Analytics