ეკატერინე ტიკარაძე : აჭარაში კორონავირუსთან მიმართებაში რიცხვების კლება იკვეთება, თუმცა ეს დამშვიდების საფუძველს არ იძლევა

აჭარაში კორონავირუსთან მიმართებაში რიცხვების კლება იკვეთება, თუმცა ეს დამშვიდების საფუძველს არ იძლევა, – ამის შესახებ საქართველოს ჯანდაცვის მინისტრმა ეკატერინე ტიკარაძემ ბათუმში გამართულ ბრიფინგზე განაცხადა.

„აღსანიშნავია, რომ აჭარაში კორონავირუსთან მიმართებაში რიცხვების კლება იკვეთება, მაგრამ ეს, რა თქმა უნდა, არ არის იმის საფუძველი, რომ დავმშვიდდეთ. ეპიდემიოლოგებს სჭირდებათ სულ მცირე 7-დღიანი კლების ციკლი, რაც მოგვცემს საშუალებას, რომ ვისაუბროთ რამდენად კონტროლირებადია ინფექციის გავრცელება. ამ დროისთვის, აჭარაში არის 126 ინფიცირებული, სიტუაცია კონტროლირებადია იმ მხრივ, რომ ეპიდემიოლოგები აქტიურად მუშაობენ კონტაქტების დადგენაზე. ლაბორატორიული ქსელი, ასევე აწარმოებს თავის საქმეს და დღის ბოლოსთვის კიდევ უფრო ნათელი სურათი გვექნება გასული პერიოდის, როდესაც ბათუმში მასობრივი ტესტირება ხდებოდა“, – განაცხადა ტიკარაძემ.

რაც შეეხება საწოლების რაოდენობას, მინისტრის ინფორმაციით, ამ ეტაპზე, აჭარაში 500 საწოლია მობილიზებული.

„მინდა, მადლობა გადავუხადო აჭარის ყველა კლინიკის წარმომადგენელს, რომლებიც კოვიდინფექციის მართვის პროცესში არიან ჩართული. აჭარაში მობილიზებულია 500-ზე მეტი საწოლი და ამ ეტაპზე, 150-მდე საწოლია დაკავებული. ასევე, ეფექტურად მიმდინარეობს სასტუმროებში პაციენტების მკურნალობა. გადაუდებელი დახმარების ცენტრის მხრიდან შეუფერხებლად ხდება პაციენტების გადაყვანა კლინიკებში. აღსანიშნავია, რომ პაციენტების უმრავლესობას უფიქსირდება ინფექციის მსუბუქი ფორმა, რის შემდეგაც ისინი გადადიან სასტუმროებში და მათზე ზრუნავენ ოჯახის ექიმები, რომელთა მართვაც პირად კონტროლზე ჰყავს აყვანილი თამარ გაბუნიას. პაციენტების ჯანმრთელობას არანაირი რისკი არ ემუქრება“, – განაცხადა ტიკარაძემ.

banner
წინა სტატიაშიამირან გამყრელიძე : ყველა რეკომენდაცია, რომელზე საუბრისგანაც თავი შეგაწყინეთ, ძალაშია და კიდევ უნდა გამკაცრდეს, რომ დღეს გამოკვეთილი შემთხვევების კლების ტენდენცია როგორმე შევინარჩუნოთ
შემდეგი სტატიაჰუბერტ ქნირში : ვხედავ პროგრესს და მიზეზს, ვიყო იმედიანად, რომ „საერთო სასამართლოების შესახებ“ კანონპროექტი დააკმაყოფილებს ვენეციის კომისიის რეკომენდაციას