საპარლამენტო უმრავლესობის დეპუტატს ეკა ბესელიას უმრავლესობიდან გარიცხვის მუქარა არ აშინებს.
“საერთოდ, ასეთი არასერიოზული და მდაბიო ტერმინებით რომ არ ვილაპარაკოთ, სხვა ტერმინი არ არის ქართულ ლექსიკონში?! რაღაც უხერხულად ჩანს – “გაირიციხება, გამოირიცხება“ – ხალხო, რაზე ვლაპარაკობთ?! სახელმწიფოებრივი მნიშვნელობის საკითხი დგას, როგორი მართლმსაჯულება ექნება ქვეყანას.
ეს პოლიტიკური პარტია ჩემს ხელში შეიქმნა, ვის ველაპარაკებით ასეთი ტერმინებით – “გაგრიცხავ, გამოგრიცხავ“? ვინ უნდა დამემუქროს? ვგავარ იმ ადამიანს, რომელსაც რაიმე მუქარის ეშინია, და მითუმეტეს ასეთი კომკავშირული ტერმინებით როცა მესაუბრებიან?! ახლა, სერიოზულად ვილაპარაკოთ“, – განაცხადა ბესელიამ ჟურნალისტებთან.