„საკმაოდ რთულია სასამართლოს დამოუკიდებელ რელსებზე სრულად გადაყვანა, ეს პროცესი დაიწყო და ვითარება იცვლება,“ – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, ეკა ბესელიამ განაცხადა.
განსხვავებული მოსაზრებები აქვთ ნაციონალურ მოძრაობაში. გიგი წერეთელი ამბობს, რომ მოსამართლეების დანიშვნასთან დაკავშირებით ბევრი ეჭვი და კითხვა არსებობს.
იუსტიციის უმაღლეს საბჭოში დღეს დილიდან მოსამართლეების დანიშვნის პროცესი დაიწყო. მოსამართლეთა დანიშვნის პროცესის შეჩერება პრეზიდენტმა გუშინ მოითხოვა. მისი სახელით განცხადება იურიდიულ საკითხებში მრჩეველმა კახა კოჟორიძემ გააკეთა. ქვეყნის მეთაურის ამ მოთხოვნას არასამთავრობო ორგანიზაციების დიდი ნაწილიც უერთდება.