ეკა ბესელია უკმაყოფილოა, რომ პრემიერის მრჩეველმა ადამიანის უფლებების საკითხებში სოფო ჯაფარიძემ არ მიიღო მონაწილეობა მოხსენებაში, რომელიც სახალხო დამცველის რეკომენდაციების შესრულებას ეხებოდა.
ადამიანის უფლებათა კომიტეტის თავმჯდომარემ დღეს გაიხსენა, რომ პრემიერის მრჩეველი უკვე მეორე წელია მსგავსი შეხვედრების იგნორირებას ახდენს.
მოსმენა დღეს პარლამენტში, ადამიანის უფლებათა კომიტეტში გაიმართა. სახალხო დამცველის განცხადებით, რეკომენდაციების ნაწილი არ არის შესრულებული.
„გეგმების დაწერა ძალიან მნიშვნელოვანია, მაგრამ რეკომენდაციების შესრულებაც არანაკლებ მნიშვნელოვანია. ჩემი მცირე საყვედური აუცილებლად უნდა გამოვთქვა და დასკვნაშიც ამას ავსახავთ,“ – განაცხადა ეკა ბესელიამ.