ეკა ბესელია დავით ჭიჭინაძესთან, რევაზ არველაძესა და გედევან ფოფხაძესთან შეხვედრის დეტალებზე საუბრობს

თაიმერი timer.ge
: თაიმერი timer.ge იანვარი 8, 2019 17:39

ეკა ბესელია დავით ჭიჭინაძესთან, რევაზ არველაძესა და გედევან ფოფხაძესთან შეხვედრის დეტალებზე საუბრობს

მნიშვნელოვანი

  • საპარლამენტო უმრავლესობის წევრის, ეკა ბესელიას განცხადებით, კოლეგებთან დღეს გამართული შეხვედრები უზენაესი სასამართლოს მოსამართლეობის კანდიდატებთან დაკავშირებულ საკითხს ეხებოდა.

სხვა სტატიები

საპარლამენტო უმრავლესობის წევრის, ეკა ბესელიას განცხადებით, კოლეგებთან დღეს გამართული შეხვედრები უზენაესი სასამართლოს მოსამართლეობის კანდიდატებთან დაკავშირებულ საკითხს ეხებოდა.

ბესელიას თქმით, მისი და მისი თანამოაზრეების შემდგომი ნაბიჯები დამოკიდებულია სიასთან დაკავშირებით უმრავლესობის გადაწყვეტილებაზე.

“თანამოაზრეები ვსაუბრობთ იმ ნაბიჯებზე, რომელიც ეხება მოსამართლეების შერჩევის პროცესს, რათა ის იყოს, რაც შეიძლება გამჭვირვალე და ჯანსაღი. პოლიტიკური ინსტრუმენტები – ფრაქცია იქნება თუ რაიმე ტიპის ერთობა, არ არის მიზანი და თვითმიზანი. ყველაფერი შეიძლება განვიხილოთ, როგორც ინსტრუმენტად მთავარი მიზნის მისაღწევად, რომ ქვეყანას დავუტოვოთ დამოუკიდებელი მართლმსაჯულება. ჩვენი შემდგომი ნაბიჯები დამოკიდებულია იმაზე, თუ რა პოზიცია ექნება ფრაქციასაც და უმრავლესობასაც. ძალიან მნიშვნელოვანი იქნება მათი პოზიცია სასამართლოსთან დაკავშირებულ საკითხებზე. თუ მოხდება თანხვედრა და ჩვენი პოზიციების ერთ შეთანხმებულ საკითხამდე მისვლა, შესაძლოა, ამ პროცესის ჯანსაღად გაგრძელება. თუ იქნება რადიკალური განსხვავება, ამის შემდეგ განვიხილავთ შემდგომ ნაბიჯებს”,- განაცხადა ბესელიამ.

ეკა ბესელია საკუთარ კაბინეტში დღეს დავით ჭიჭინაძეს, რევაზ არველაძესა და გედევან ფოფხაძეს შეხვდა.

თაიმერი timer.ge
: თაიმერი timer.ge იანვარი 8, 2019 17:39

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,290
ვიზიტორი
დღეში
Powered By Google Analytics