წითელ ზღვაში, ეგვიპტის კურორტ მარსა-ალამის მახლობლად ტურისტებით სავსე იახტა ჩაიძირა. მის ბორტზე 34 ტურისტი და ეკიპაჟის 14 წევრი იმყოფებოდა. გავრცელებული ინფორმაციით, ეგვიპტის სანაპირო დაცვამ 28 ადამიანის გადარჩენა შეძლო, 17 კი დაკარგულად ითვლება. ეკიპაჟის ყველა წევრი ეგვიპტის მოქალაქეა. მგზავრებს შორის დიდი ბრიტანეთის, ესპანეთის, გერმანიის, ფინეთის, ბელგიის, სლოვაკეთის, აშშ-ის და ჩინეთის მოქალაქეები იყვნენ.
