არქეოლოგებმა თაგვებისა და სხვა ცხოველების მუმიები ქალაქ სოჰაგთან ახლოს აღმოაჩინეს. ისინი ადამიანის მუმიის ირგვლივ იყო განლაგებული. სამარხის შიგნით დასაფლავების პროცესია და ყანაში მომუშავე ადამიანებია მიხატული.
ექსპერტების თქმით, სამარხის ასაკი 2 ათას წელზე მეტი ხნის არის. იქ დასაფლავებული არიან მაღალჩინოსანი და მისი ცოლი. სამარხი 2018 წლის ოქტომბერში აღმოაჩინეს არტეფაქტებზე არაკანონიერმა მონადირეებმა, რომლებიც იქ არასანქცირებულ გათხრებს აწარმოებდნენ – “ბიბისი” წერს.
ეგვიპტის სიძველეების საქმეების უმაღლესი საბჭოს ხელმძღვანელმა მუსტაფა ვაზირმა სამარხს დიდებული და ლამაზი უწოდა და აღნიშნა, რომ ის აღნიშნულ რაიონში ერთ-ერთი ყველაზე საინტერესო აღმოჩენაა.
