ბრიტანული ყოველკვირეული The Economist, რომელიც ხვალ გამოვა, პირველ გვერდზე რუსეთის პრეზიდენტის ვლადიმირ პუტინის, აშშ-ს ახლადარჩეული პრეზიდენტის დონალდ ტრამპის, საფრანგეთის “ნაციონალური ფრონტის” ლიდერის მარინ ლე პენის და გაერთიანებული სამეფოს დამოუკიდებლობის პარტიის ყოფილი თავმჯდომარის, ნაიჯელ ფარაჯას კარიკატურას გამოაქვეყნებს – კარიკატურა გამოცემის საიტზე უკვე განათავსეს.
კარიკატურაზე, რომელიც სტილიზებულია აშშ-ს დამოუკიდებლობისათვის ბრძოლის პერიოდთან, პუტინი სალამურზე უკრავს, ტრამპი და ფარაჯი ბარაბნებზე, მათ უკან საფრანგეთის აწეული დროშით ლე პენი მოსდევს.
The Economist-ის ხვალინდელი ნომრის თემა იქნება “ახალი ნაციონალიზმი”.